Menu
Нүүрс, төмрийн хүдрийн ил далд уурхайн болон алтны үндсэн орд, эрчим хүчний шугамын, авто зам, төмөр замын суурийн ухмалын тэсэлгээний ажлыг хөдөлмөрийн аюулгүй байдлыг ханган, мэргэжлийн өндөр түвшинд хийж гүйцэтгэдэг.
Үйлдвэрлэлийн зориулалтаар тэсрэх бодис, тэсэлгээний хэрэгсэл импортлох худалдах тусгай зөвшөөрөлтэйгээр ОХУ-аас чанар, стандартын шаардлага хангасан тэсрэх бодисын түүхий эд болон эмульсийн тэсрэх бодис, өдөөгч, тэсэлгээний хэрэгсэл зэргийг импортоор авч тэсэлгээний ажил үйлчилгээндээ хэрэглэж байна.
Хэрэглэгчийн захиалга, шаардлагын дагуу тусгай зориулалтын, өндөр бүтээмжтэй Atlas Copco L6 маркийн өрмийн машинаар 127-165 мм диаметртэйгээр тэсэлгээний цооногийн өрөмдлөгийн ажлыг Хөдөлмөрийн аюулгүй байдал, эрүүл ахуйн шаардлагад нийцүүлэн чанартай хийж гүйцэтгэж байна.
Орчин үеийн дэвшилтэт техник технологийг нэвтрүүлж, Австралийн Легра брэндийн төхөөрөмжөөр тэсэлгээний цооногийг усгүйжүүлсэнээр тэсэлгээний ажлын зардлыг бууруулж байна.
Тэсрэх бодис, тэсэлгээний хэрэгслийг шаардлага хангасан, GPS, сансрын хөдөлгөөнт утас, тусгайлан бүрэн тоноглосон, битүүмжилсэн тээврийн хэрэгслээр тэсрэх бодистой харьцах эрхтэй мэргэшсэн жолооч аюул осолгүй тээвэрлэж байна.
Манай хамт олон Дархан-Уул аймгийн Хонгор сум, Сэлэнгэ аймгийн Хүдэр сум, Төв аймгийн Баян сум, Өмнөговь аймгийн Цогтцэций сумдын нутагт тэсрэх материал болон тэсрэх бодисын түүхий эдийн агуулахыг барьж байгуулан 24 цагийн харуул хамгаалалттайгаар, тэсрэх материалтай харьцах эрх бүхий мэргэшсэн няравын бүртгэлтэйгээр тэсрэх материалыг хадгалж байна.
“МН ЖОЙН” ХХК-нь 2012 онд үүсгэн байгуулагдсан цагаас хойш тэсрэх бодисын түр болон байнгын агуулахын зураг төслийн ажил, барилга угсралтийн ажил үйлчилгээг хийж гүйцэтгэж байгаа туршлагатай баг хамт олон юм.
