Манай компани нь найдвартай, баталгаат үйл ажиллагааг ханган ажиллах, чанартай бүтээгдэхүүн үйлчилгээг хугацаанд нь хүргэх бизнесийн зарчмын хүрээнд парк шинэчлэлтийн ажлыг тогтмол хийсээр ирсэн билээ. 2025 оны хамгийн эхний парк шинэчлэлтийг Hyundai.Trago маркийн ачааны автомашинаар хийж тэсрэх бодис, тэсэлгээний хэрэгслийг шаардлага хангасан, GPS, сансрын хөдөлгөөнт утас, тусгайлан бүрэн тоноглосон, битүүмжилсэн тээврийн хэрэгслээр тэсрэх бодистой харьцах эрхтэй мэргэшсэн жолооч аюул осолгүй тээвэрлэж байна.
Парк шинэчлэлтийн ажлыг тогтмол хийснээр байгаль орчинд ээлтэй, тогтвортой хөгжилд хувь нэмэр оруулах, тээвэр, тэсэлгээ, өрөмдлөгийн ажлын бүтээмжийг сайжруулж, үйлчлүүлэгчид илүү хурдан, найдвартай үйлчилгээ үзүүлэх боломжтой болох юм. Мөн салбарынхаа өрсөлдөх чадварыг нэмэгдүүлэх томоохон алхам юм.

